ludopil-gruppen©

EIN KVIT STEIN

 

Ein dag du går einsam i skogen

skal du òg sjå etter i stien

om du kan snubla bort i ein fin stein

Eg var heldig, som fann denne kvite

 

Inne i denne steinen er eit løynd rom

eit rom for gode og varme tankar

veggar med fine bilete i ljose fargar

Noko anna skal ikkje her vera heime

 

Legg du steinen på ein lun stad

der solstrålane kan koma til

vil du òg kjenna at steinen vil gje

frå seg av varmen han har fått

 

Den varmen skal du ta vare på

Om du i dag sjølv kjenner deg varm

vil du i morgon møta einkvan som frys

og lengtar etter den varmen du no eig

 

Og om steinen ein dag kjennast kald

- kan hende låg han ei stund i skuggen

Ta steinen mjukt inn i handa di

så vil han snart få varmen attende

 

Du som kjennast ved slike steinar

kan varde din eigen sti

Kvite steinar på vegen ut

er òg gode å fylgja - på heimveg.